News ٰآس پاسٰ برصغیر تازہ ترین

پاکستان: کوروناپھیلاؤ تیز، ایک دن میں ریکارڈ 5ہزارمریض

پاکستان میں کرونا وائرس کی وبا سے اموات کے ساتھ ساتھ نئے کیسز کی شرح میں بھی خوف ناک حد تک اضافہ ہو گیا ہے، گزشتہ چوبیس گھنٹوں کے دوران ملک بھر میں مزید 68 افراد کرونا انفیکشن کا شکار ہو کر جاں بحق ہو گئے جب کہ 4,896 نئے کیسز سامنے آئے۔

کمانڈ سینٹر کا کہنا ہے کہ گزشتہ چوبیس گھنٹوں کے دوران ملک میں مزید اڑسٹھ اموات رپورٹ ہوئیں، سب زیادہ اموات پنجاب میں ہوئی ہیں جن کی تعداد 629 ہے، اس کے بعد سندھ میں 575 اموات، خیبر پختون خوا میں 521 اموات، بلوچستان میں 53، اسلام آباد میں 41، گلگت بلتستان میں 12 اموات جب کہ آزاد کشمیر میں 7 موت ریکارڈ ہوئی ہے۔

سندھ میں کرونا کیسز کی تعداد سب سے زیادہ 33,536 ہو گئی، پنجاب میں 33,144 کرونا کیسز رپورٹ ہو چکے ہیں، خیبر پختون خوا میں کیسز کی تعداد 11,890، بلوچستان میں 5,582، اسلام آباد میں 3,946 ہو گئی، گلگت بلتستان میں 852 کرونا کیسز رپورٹ ہوئے، آزاد کشمیر میں کیسز کی تعداد 299 ہے۔
گزشتہ 24 گھنٹوں کے دوران ملک میں 22 ہزار 812 کرونا ٹیسٹ کیے گئے، این سی او سی کے مطابق ملک میں اب تک کرونا کے 6 لاکھ 38 ہزار 323 ٹیسٹ کیے جا چکے ہیں۔ سندھ میں 16,782 مریض صحت یاب ہوئے ہیں، پنجاب میں 7,806 مریض، خیبر پختون خوا میں 3,221 مریض، بلوچستان میں 2,037 مریض، گلگلت بلتستان میں 541 مریض، اسلام آباد میں 629 جب کہ آزاد جموں و کشمیر میں 182 مریض صحت یاب ہو چکے ہیں

1,451 total views, 0 views today

Leave a Reply

Your email address will not be published.