News Uncategorized Weather بین الاقومی

پاکستان کودہشتگردی واچ لسٹ میں شامل کرنے پراتفاق نہ ہوسکا

پاکستان کے وزیرِ خارجہ نے کہا ہے کہ پیرس میں جاری فنانشل ایکشن ٹاسک فورس کے اجلاس میں پاکستان کو دہشت گرد تنظیموں کے مالی معاملات پر کڑی نظر نہ رکھنے اور ان کی مالی معاونت روکنے میں ناکام رہنے یا اس سلسلے میں عدم تعاون کرنے والے ممالک کی واچ لسٹ میں شامل کرنے پر اتفاقِ رائے نہیں ہو سکا ہے۔
اس بات کا اعلان انھوں نے منگل کی شب ایک ٹویٹ میں کیا۔
خواجہ آصف کا کہنا تھا کہ ان کی کوششیں رنگ لے آئی ہیں اور امریکہ کی جانب سے پیش کی جانے والی قرارداد پر اتفاقِ رائے نہیں ہو سکا۔
خواجہ آصف کے پیغام میں بتایا گیا ہے کہ 20 فروری کے اجلاس میں اس حوالے سے تین ماہ کی مہلت تجویز کی گئی ہے اور ایشیا پیسفک گروپ سے ایک اور رپورٹ مانگی جائے گی جس پر جون میں دوبارہ غور ہوگا۔
خواجہ آصف نے اس حوالے سے پاکستان کی حمایت کرنے والے دوست ممالک کا شکریہ بھی ادا کیا۔
تاہم جب امریکی محکمہ خارجہ کی بریفنگ کے دوران ترجمان ہیدر نوریٹ سے اس بارے میں سوال کیا گیا تو ان کہنا تھا کہ وہ اس کی تصدیق نہیں کر سکتیں کیونکہ حتمی فیصلہ اس ہفتے تک اختتام تک متوقع ہے اور وہ اس سے پہلے نہیں بتا سکتی کہ یہ فیصلہ کیا ہو سکتا ہے۔
ان کا یہ بھی کہنا تھا کہ ان کے پاس اس بات کی کوئی مصدقہ اطلاع نہیں کہ کوئی فیصلہ وقت سے پہلے کیا گیا ہے اور ان کے خیال میں حتمی فیصلہ جمعرات کو ہی کیا جائے گا۔
اس سوال پر کہ خواجہ آصف کی ٹویٹ سے بظاہر یہ لگتا ہے کہ کم از کم تین ممالک امریکہ کی قرارداد کی مخالفت کر رہے ہیں، ترجمان نے کہا کہ دہشت گردوں کی مالی معاونت کے معاملے پر پاکستان کے ساتھ امریکہ کا موقف بالکل واضح رہا ہے۔
ہیدر نوریٹ نے کہا کہ ’ہم نے کئی بار اس شخص کے بارے میں بات کی ہے جسے پاکستان نے نظربند کرنے کے بعد رہا کیا، جو سنہ 2008 کے ممبئی حملوں کا ذمہ دار ہے جس میں امریکیوں سمیت بہت سے افراد ہلاک ہوئے تھے۔‘
ترجمان امریکی محکمۂ خارجہ ہیدر نوریٹ کا کہنا تھا کہ ان کے پاس اس بات کی کوئی مصدقہ اطلاع نہیں کہ کوئی فیصلہ وقت سے پہلے کیا گیا ہے
یاد رہے کہ منی لانڈرنگ کے انسداد کے لیے قائم کردہ عالمی نگراں ادارے فنانشل ایکشن ٹاسک فورس کا اہم اجلاس فرانس کے دارالحکومت پیرس میں جاری ہے۔
18 سے 23 فروری تک جاری رہنے والے اس اجلاس میں ایف اے ٹی ایف کے سینکڑوں عالمی مندوبین کے علاوہ اقوامِ متحدہ، آئی ایم ایف، عالمی بینک کے نمائندے بھی شریک ہیں۔
اس ادارے کا بنیادی مقصد یہ ہے کہ بین الاقوامی مالیاتی نظام کو دہشت گردی، کالے دھن کو سفید کرنے اور اس قسم کے دوسرے خطرات سے محفوظ رکھا جائے اور اس مقصد کے لیے قانونی، انضباطی اور عملی اقدامات کیے جائیں۔
اس تنظیم کے 35 ارکان ہیں جن میں امریکہ، برطانیہ، چین اور انڈیا بھی شامل ہیں، البتہ پاکستان اس تنظیم کا رکن نہیں ہے۔
اس ادارے کی ویب سائٹ کے مطابق یہ ایک ‘پالیسی ساز ادارہ’ ہے جو سیاسی عزم پیدا کرنے کے لیے کام کرتا ہے۔
اس کے ارکان کا اجلاس ہر تین برس بعد ہوتا ہے جس میں یہ دیکھا جاتا ہے کہ اس کی جاری کردہ سفارشات پر کس حد تک عمل درآمد ہو رہا ہے۔

5,262 total views, 0 views today

4 Replies to “پاکستان کودہشتگردی واچ لسٹ میں شامل کرنے پراتفاق نہ ہوسکا

  1. Hey there would you mind letting me know which web host you’re using?
    I’ve loaded your blog in 3 different browsers and I
    must say this blog loads a lot quicker then most. Can you recommend a good web
    hosting provider at a reasonable price? Thanks a lot, I
    appreciate it!

  2. Hi every one, here every one is sharing these kinds of know-how, so it’s pleasant to read this webpage, and I used to
    visit this website daily.

Leave a Reply

Your email address will not be published.