News ٰآس پاسٰ بین الاقومی تازہ ترین عالم اسلام

افغان سفیرکی بیٹی کامسئلہ، پاکستان، بھارت کی گرم گفتاری

بھارت بھی اب پاکستان میں افغان سفیر کی بیٹی کے مبینہ “اغوا” کے معاملے میں کود پڑا ہے۔ پاکستان نے اسے ‘بدقسمتی’ قرار دیا ہے۔ اغوا کے اس واقعے کی وجہ سے اسلام آباد اور کابل کے درمیان تعلقات میں مزید تلخی پیدا ہو گئی ہے۔بھارتی وزارت خارجہ کے ترجمان اریندم باگچی نے کہا کہ اسلام آباد میں افغان سفیر کی بیٹی کا اغوا کر لیا جانا ‘انتہائی افسوس ناک‘ واقعہ ہے اور پاکستان نے متاثرہ لڑکی کے بیانات کوجھُٹلا کر ‘ایک نئی پستی‘ کا ثبوت دیا ہے۔ خیال رہے کہ افغان سفیر نجیب اللہ علی خیل کی 26 سالہ بیٹی سلسلہ علی خیل کو گزشتہ جمعے کے روزاسلام آباد میں مبینہ طور پر اغوا کر لیا گیا تھا۔ نامعلوم افراد نے ان کے ساتھ مبینہ طورپر “بدسلوکی” کی اور انہیں مارا پیٹا۔ پاکستان کے وفاقی وزیر داخلہ شیخ رشید نے سلسلہ علی خیل کے اغوا کے معاملے کو ‘سازش’ قرار دیتے ہوئے کہا تھا کہ یہ کوئی اغوا نہیں تھا بلکہ یہ انٹرنیشنل ریکٹ اور سازش ہے۔ ان کا کہنا تھا،”میں آپ کو اور پوری قوم کو بتانا چاہتا ہوں یہ انٹرنیشنل ریکٹ ہے، یہ انٹرنیشنل سازش ہے”. سلسلہ علی خیل کے اغوا پر بھارت نے کیا کہا؟ بھارتی وزارت خارجہ کے ترجمان اریندم باگچی نے جمعرات کے روز معمول کی پریس بریفنگ کے دوران کہا کہ گو یہ افغانستان اور پاکستان کے درمیان کا معاملہ ہے لیکن ”پاکستان کے وزیر داخلہ نے اس میں بھارت کو بھی گھسیٹ لیا ہے۔ میں صرف اتنا کہنا چاہوں گا کہ، ان کے اپنے معیار کے لحاظ سے بھی، متاثرہ کے بیان کی تردید کرکے، پاکستان ایک نئی پستی تک گر گیا ہے۔” اسلام آباد میں افغان سفیر کی بیٹی کا اغوا اور رہائی افغانستان کا سفارتی عملے کو واپس بلانے کا فیصلہ مایوس کن، پاکستان بھارتی وزارت خارجہ کے ترجمان کا مزید کہنا تھا کہ جہاں تک پاکستان میں بھارتی ہائی کمیشن اور وہاں تعینات اہلکاروں کی سلامتی کا سوال ہے تو ”میں سکیورٹی سے متعلق اقدامات کی تفصیلات میں نہیں جاوں گا۔” پاکستان کا بھارت کو جواب پاکستان نے افغان سفیر کی بیٹی کے مبینہ اغوا کے معاملے پر بھارتی وزارت خارجہ کے ترجمان کے بیان کو”غیر ضروری” قرارد یتے ہوئے اسے مسترد کردیا۔ پاکستانی میڈیا کے مطابق پاکستانی دفتر خارجہ کے ترجمان زاہد حفیظ چوہدری نے کہا کہ پاکستان کے خلاف بھارت کے مذموم ایجنڈے سے سب آگاہ ہیں، بھارت کو اس معاملے پر کسی حوالے سے مداخلت کا کوئی حق نہیں ہے۔ زاہد چوہدری نے کہا کہ پاکستان کے خلاف بھارت کی بدنیتی پر مبنی مہم سب کو معلوم ہے اور یورپی یونین کی ڈس انفو لیب سمیت آزاد ادارے بھارت کو عالمی سطح پر پاکستان مخالف پروپیگنڈے کا موجد قرار دے چکے ہیں۔ ان کا کہنا تھا کہ افغان سفیر کی بیٹی کے مبینہ اغوا کے واقعے کے تناظر میں بھی بھارت کی پروپیگنڈا مشینری پاکستان کے خلاف متحرک ہے اور بھارتی ٹوئٹر اور ویب سائٹس کے ذریعے سفیر کی بیٹی کی جعلی تصویریں پھیلائی گئیں۔ پاکستانی دفتر خارجہ کے ترجمان کا کہنا تھا کہ بدقسمتی سے بھارت نے پاکستان کے خلاف جھوٹے بیانیے کے لیے اس طرح کے واقعات کو بھی استعمال کیا۔ نئی دہلی اس مقام پر نہیں ہے کہ وہ دوسرے ممالک کے لیے ایسے معیارات پر سوچے۔ پاکستان: افغان طالبان کی حمایت میں اضافہ، اثرات کیا ہوں گے؟ افغان میڈیا کی توپوں کا رُخ پاکستان کی طرف وزارت خارجہ کے ترجمان نے نئی دہلی سے مطالبہ کیا کہ وہ پاکستان کے خلاف اپنی مبینہ پروپیگنڈہ مہم سے باز رہے۔ زاہد چوہدری کا کہنا تھا،”پاکستان افغان امن عمل میں بھارت کے شرپسند کردار کی طرف بھی عالمی توجہ مبذول کروائے گا

1,106 total views, 0 views today

52 Replies to “افغان سفیرکی بیٹی کامسئلہ، پاکستان، بھارت کی گرم گفتاری

  1. Some genuinely wonderful articles on this internet site, thank you for contribution. “For today and its blessings, I owe the world an attitude of gratitude.” by Clarence E. Hodges.

  2. Hi, Neat post. There is a problem with your web site in web explorer, might test this?K IE nonetheless is the market leader and a good part of other folks will leave out your wonderful writing due to this problem.

Leave a Reply

Your email address will not be published.