Uncategorized

بڑا کپتان پھیکی پکوان، رونالڈو کی ٹیم عالمی کپ سےباہر

فٹبال ورلڈ کپ میں یوراگوئے نے یورو چیمپیئن پرتگال کی ٹیم کو شکست دے کر کوارٹر فائنل میں جگہ بنا لی جس کے ساتھ ہی لیونل میسی کے ساتھ ہی کرسٹیانو رونالڈو کی ٹیم بھی عالمی کپ کی دوڑ سے باہر ہو گئی۔

روس کے شہر سوچی کے فشت اسٹیڈیم میں کھیلے گئے میچ کے 7ویں منٹ میں کوانی نے گول کر کے یوراگوئے کو برتری دلا دی۔

میچ کے بقیہ ہاف میں پرتگال کی ٹیم چھائی رہی اور اس نے گول کرنے کی لاتعداد کوششیں کیں لیکن وہ ایک میں کامیاب نہ ہو سکے، پہلے ہاف کے اختتام تک یوراگوئے کو 0-1 کی برتری حاصل تھی۔

دوسرے کے 10ویں منٹ میں تجربہ پرتگالی کھلاڑی پے پے نے شاندار ہیڈر کے ذریعے گیند کو نیٹ میں پہنچا کر مقابلہ 1-1 سے برابر کردیا۔

تاہم پرتگال کی یہ خوشی زیادہ دیر قائم نہ رہ سکی اور میچ کے 62ویں منٹ میں ایڈنسن کوانی ایک اور گول اسکور کر کے اپنی ٹیم کو برتری دلا دی۔

میچ کے دوران عالمی شہرت یافتہ پرتگالی اسٹار کرسٹیانو رونالڈو بجھے بجھے نظر آئے اور ایک بھی موقع پر گول کی جانب شاٹ نہیں مارا۔ اس سلسلے میں یوراگوئے کا دفاع بھی شاندار رہا جنہوں نے پورے میچ میں رونالڈو کا گھیراؤ کیے رکھا اور انہیں کسی بھی موقع پر کھل کر کھیلنے کا موقع نہ دیا جس نے پرتگال کی اگلے راؤنڈ میں رسائی کی راہ دشوار بنا دی۔

کرسٹیانو رونالڈو میچ میں دو گول کرنے والے حریف یوراگوئے کے کھلاڑی ایڈنسن کوانی کو میدان سے باہر دھوڑنے جا رہے ہیں— فوٹو: اے ایف پی
پرتگال نے میچ میں دوبارہ واپسی اور گول اسکور کرنے کی متعدد کوششیں کیں لیکن خراب فنشنگ کے ساتھ ساتھ یوراگوئے کے عمدہ دفاع نے انہیں گول کرنے سے باز رکھا اور وہ میچ میں 1-2 کی شکست سے دوچار ہو گئے۔

اس میچ میں شکست کے ساتھ ہی رونالڈو اور پرتگال کا ورلڈ کپ میں سفر اختتام پذیر ہو گیا جبکہ یوراگوئے کی ٹیم نے اگلے راؤنڈ کے لیے کوالیفائی کر لیا جہاں کوارٹر میں اس کا مقابلہ فرانس سے ہو گا۔

اس سے قبل دن کے پہلے میچ میں لیونل میسی کی ٹیم کو شکست ہوئی تھی اور اس طرح فٹبال کی دنیا کے دو سب سے بڑے ستاروں میسی اور رونالڈو دونوں کی ٹیمیں ورلڈ کپ سے باہر ہو گئیں۔

1,080 total views, 0 views today

3 Replies to “بڑا کپتان پھیکی پکوان، رونالڈو کی ٹیم عالمی کپ سےباہر

  1. Greetings from Los angeles! I’m bored to death at work so I decided to browse your site on my iphone during lunch break. I love the information you present here and can’t wait to take a look when I get home. I’m shocked at how quick your blog loaded on my mobile .. I’m not even using WIFI, just 3G .. Anyways, very good site!

  2. Thanks a bunch for sharing this with all of us you really realize what you’re speaking about! Bookmarked. Kindly also discuss with my website =). We can have a hyperlink alternate contract among us!

  3. Link exchange is nothing else however it
    is only placing the other person’s website link on your page at proper place and other person will also do similar in support of you.

Leave a Reply

Your email address will not be published.